ಟೂರ್ನಿಯನ್ನು ಮಾಜಿ ಸಚಿವ ಜೆ. ಕೃಷ್ಣ ಪಾಲೆಮಾರ್ ಉದ್ಘಾಟಿಸಿದರು. ಈ ಸಂದರ್ಭದಲ್ಲಿ ಡಿಕೆಬಿಎ ಅಧ್ಯಕ್ಷ ಸಂತೋಷ್ ಕುಮಾರ್ ಶೆಟ್ಟಿ, ಕಾರ್ಯದರ್ಶಿ ಸುಪ್ರೀತ್ ಆಳ್ವ, ಉಪಾಧ್ಯಕ್ಷ ಅಶೋಕ್ ಹೆಗ್ಡೆ ಹಾಗೂ ಪೃಥೀಶ್ ಸಾಲಿಯಾನ್ ಮೆಮೋರಿಯಲ್ ಚಾರಿಟೇಬಲ್ ಟ್ರಸ್ಟ್ ಅಧ್ಯಕ್ಷ ಲತೀಶ್ ಕುಮಾರ್ ಯು. ಉಪಸ್ಥಿತರಿದ್ದರು.
ಈ ಟೂರ್ನಿಯ ಪರಿಕಲ್ಪನೆಯನ್ನು ಟ್ರಸ್ಟ್ನ ಟ್ರಸ್ಟಿ ರಾಜೇಶ್ ವೀಗಸ್ ರೂಪಿಸಿದ್ದು, ದಿವಂಗತ ಪೃಥೀಶ್ ಸಾಲಿಯಾನ್ ಅವರ ಸ್ಮರಣೆಯನ್ನು ಅವರು ಪ್ರೀತಿಸಿದ್ದ ಬ್ಯಾಡ್ಮಿಂಟನ್ ಕ್ರೀಡೆಯ ಮೂಲಕ ಶಾಶ್ವತವಾಗಿಡುವ ಉದ್ದೇಶದಿಂದ ಆರಂಭಿಸಲಾಗಿದೆ. ಈ ಕನಸನ್ನು ನನಸಾಗಿಸಲು ಟ್ರಿವಿಯಾ ವೀಗಸ್, ಟೂರ್ನಿ ಸಂಯೋಜಕ ಅರುಣ್ ಬ್ಯಾಪ್ಟಿಸ್ಟ್ ಹಾಗೂ ಮಾರಿಯಾ ಅಂಜಲಿ, ತ್ರಿಶಾ ಮತ್ತು ಟೀನಾ ವೀಗಸ್ ಅವರ ಶ್ರಮ ಪ್ರಮುಖವಾಗಿತ್ತು.
ಈ ಬಾರಿ ದೇಶದ ವಿವಿಧ ರಾಜ್ಯಗಳಿಂದ ಸುಮಾರು 300ಕ್ಕೂ ಹೆಚ್ಚು ಸ್ಪರ್ಧಿಗಳು ಭಾಗವಹಿಸಿ, ಅಂಡರ್-9, 11, 13, 15 ಹಾಗೂ 17 ವಿಭಾಗಗಳ ಬಾಲಕ-ಬಾಲಕಿಯರ ಸಿಂಗಲ್ಸ್ ಮತ್ತು ಡಬಲ್ಸ್ ಸ್ಪರ್ಧೆಗಳಲ್ಲಿ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಿದರು.
ಟೂರ್ನಿಯು ಯುವ ಬ್ಯಾಡ್ಮಿಂಟನ್ ಆಟಗಾರರಿಗೆ ಉತ್ತಮ ಸ್ಪರ್ಧಾತ್ಮಕ ವೇದಿಕೆಯನ್ನು ಕಲ್ಪಿಸುವುದರ ಜೊತೆಗೆ, ದಿವಂಗತ ಪೃಥೀಶ್ ಸಾಲಿಯಾನ್ ಅವರ ಸ್ಮರಣೆಯನ್ನು ಉಳಿಸಿಕೊಳ್ಳುವ ಮತ್ತು ಕ್ಯಾನ್ಸರ್ ರೋಗಿಗಳಿಗೆ ಆರ್ಥಿಕ ನೆರವು ನೀಡುವ ಟ್ರಸ್ಟ್ನ ಸಾಮಾಜಿಕ ಬದ್ಧತೆಯನ್ನು ಪ್ರತಿಬಿಂಬಿಸಿದೆ.
ಮೊದಲ ಪೃಥೀಶ್ ಮೆಮೋರಿಯಲ್ ಕಪ್ನಲ್ಲಿ ₹1.77 ಲಕ್ಷ ಬಹುಮಾನ ವಿತರಿಸಲಾಗಿದ್ದರೆ, ಈ ವರ್ಷದ 2ನೇ ಆವೃತ್ತಿಯಲ್ಲಿ ₹98,000 ಬಹುಮಾನ ವಿತರಿಸಲಾಯಿತು. ಅಲ್ಲದೆ ಪ್ರತಿಭಾವಂತ ಆಟಗಾರರಿಗೆ ₹82,500 ಮೌಲ್ಯದ ಮೂರು ತಿಂಗಳ ವಿದ್ಯಾರ್ಥಿವೇತನ ಹಾಗೂ ತರಬೇತಿಗೆ ಅಗತ್ಯವಾದ ಬ್ಯಾಡ್ಮಿಂಟನ್ ಶಟಲ್ಗಳನ್ನು ಸಹ ಟ್ರಸ್ಟ್ ವತಿಯಿಂದ ನೀಡಲಾಗಿದೆ.
Post a Comment