ಅಪಘಾತ : ಓಮಾನ್‌ನಲ್ಲಿ ಮೂಡುಬಿದಿರೆಯ ಯುವಕನ ದಾರುಣ ಅಂತ್ಯ ; 10 ತಿಂಗಳ ಮಗಳನ್ನು ಅಗಲಿದ ತಂದೆ

ಮೂಡುಬಿದಿರೆ ಮೂಲದ ರಾಜವರ್ಮ ಜೈನ್ (33) ಅವರು ಒಮಾನ್‌ನ ಮಸ್ಕತ್‌ನಲ್ಲಿ ನಡೆದ ದುರ್ಘಟನೆಯಲ್ಲಿ ಮೃತಪಟ್ಟಿದ್ದಾರೆ. 

ಖಾಸಗಿ ವಾಹನ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದ ವೇಳೆ ಮತ್ತೊಂದು ವಾಹನ ಹಿಂದಕ್ಕೆ ಚಲಿಸುವಾಗ ಡಿಕ್ಕಿ ಹೊಡೆದ ಪರಿಣಾಮ ವಾಹನದಡಿ ಸಿಲುಕಿ ಗಂಭೀರವಾಗಿ ಗಾಯಗೊಂಡು ಸಾವನ್ನಪ್ಪಿದ್ದಾರೆ. 

ಎರಡು ವರ್ಷಗಳ ಹಿಂದೆ ವಿವಾಹವಾಗಿದ್ದ ಅವರಿಗೆ 10 ತಿಂಗಳ ಹೆಣ್ಣು ಮಗು ಇದೆ. ಮೃತದೇಹವನ್ನು ಗುರುವಾರ ವಿಮಾನದ ಮೂಲಕ ಸ್ವಗ್ರಾಮಕ್ಕೆ ತರಲಾಗುತ್ತಿದೆ.