ಐದು ದಶಕಗಳ ಕಾಲ ದೈವಿಕ ಸೇವೆ ಸಲ್ಲಿಸಿದ್ದ ಶ್ರೀಕ್ಷೇತ್ರ ಪೊಳಲಿಯ ಪ್ರಧಾನ ಅರ್ಚಕರಾದ ನಾರಾಯಣ ಭಟ್ ನಿಧನ

ಮಂಗಳೂರು : ದಕ್ಷಿಣ ಕನ್ನಡ ಜಿಲ್ಲೆಯ ಐತಿಹಾಸಿಕ ಪುಣ್ಯಕ್ಷೇತ್ರವಾದ Polali Rajarajeshwari Temple ದೇವಾಲಯದ ಪ್ರಧಾನ ಅರ್ಚಕರಾಗಿದ್ದ ಪೊಳಲಿ ನಾರಾಯಣ ಭಟ್ (78) ಅವರು ಸೋಮವಾರ ನಿಧನರಾದರು.

ಕಳೆದ ಐದು ದಶಕಗಳಿಗೂ ಅಧಿಕ ಕಾಲ ದೇವಾಲಯದಲ್ಲಿ ಅಪಾರ ಭಕ್ತಿ, ನಿಷ್ಠೆಯಿಂದ ದೇವಿಯ ಸೇವೆ ಸಲ್ಲಿಸಿದ್ದ ಅವರು, ಸಾವಿರಾರು ಭಕ್ತರಿಗೆ ಧಾರ್ಮಿಕ ಮಾರ್ಗದರ್ಶನ ನೀಡುತ್ತಿದ್ದ ಗೌರವಾನ್ವಿತ ಅರ್ಚಕರಾಗಿದ್ದರು. 

ದೇವಾಲಯದ ನಿತ್ಯ ಪೂಜೆ, ವಿಶೇಷ ಉತ್ಸವಗಳು ಸೇರಿದಂತೆ ಅನೇಕ ಪವಿತ್ರ ಕೈಂಕರ್ಯಗಳನ್ನು ವರ್ಷಗಳ ಕಾಲ ಸಮರ್ಪಕವಾಗಿ ಮುನ್ನಡೆಸಿದ್ದ ನಾರಾಯಣ ಭಟ್ ಅವರ ಸೇವೆ ಭಕ್ತರಲ್ಲಿ ವಿಶೇಷ ಗೌರವ ಪಡೆದಿತ್ತು.

ಅವರ ನಿಧನದಿಂದ ಪೊಳಲಿ ಕ್ಷೇತ್ರವು ತನ್ನ ಹಿರಿಯ ಧಾರ್ಮಿಕ ಚೇತನವನ್ನು ಕಳೆದುಕೊಂಡಂತಾಗಿದೆ. ಅವರ ಅಗಲಿಕೆಗೆ ರಾಜಕೀಯ ಗಣ್ಯರು, ಧಾರ್ಮಿಕ ನಾಯಕರು ಹಾಗೂ ಸಾವಿರಾರು ಭಕ್ತರು ತೀವ್ರ ಸಂತಾಪ ವ್ಯಕ್ತಪಡಿಸಿದ್ದಾರೆ.