ಮಂಗಳೂರು : ರಾಷ್ಟ್ರೀಯ ಮಿಸ್ & ಮಿಸೆಸ್ ಇಂಡಿಯಾ ಅಸ್ಟ್ರಲ್ ಪೇಜೆಂಟ್ಸ್‌ 2025ರ 9ನೇ ಆವೃತ್ತಿಯ ಪ್ರಶಸ್ತಿ ವಿಜೇತ ಮಂಗಳೂರಿನ ಸ್ಪರ್ಧಿಗಳಿಗೆ ಅಭಿನಂದನಾ ಸಮಾರಂಭ ಕ್ರೂಸ್ ಆ್ಯಂಡ್ ಡೈನ್‌ನಲ್ಲಿ ಶನಿವಾರ ನಡೆಯಿತು.
ಬೆಂಗಳೂರಿನಲ್ಲಿ ಇತ್ತೀಚೆಗೆ ಅದ್ಧೂರಿಯಾಗಿ ಜರಗಿದ ಸ್ಪರ್ಧೆಯಲ್ಲಿ ಪಾಲ್ಗೊಂಡಿದ್ದ ಮಂಗಳೂರಿನ ವನಿತೆಯರು, ಯುವತಿಯರು ಹಾಗೂ ಮಕ್ಕಳು ಬಹುತೇಕ ಎಲ್ಲಾ ವಿಭಾಗಗಳಲ್ಲಿ ಪ್ರಶಸ್ತಿಗಳನ್ನು ತಮ್ಮದಾಗಿಸಿಕೊಂಡಿದ್ದರು.
ಅಭಿನಂದನಾ ಕಾರ್ಯಕ್ರಮದಲ್ಲಿ ಪಾತ್‌ವೇ ಮಾಡೆಲಿಂಗ್ ಸ್ಟುಡಿಯೋ ಮಾಲಕ ಹಾಗೂ ಮಿಸೆಸ್ ಇಂಡಿಯಾ ಕರ್ನಾಟಕ ಮಂಗಳೂರು ನಿರ್ದೇಶಕರಾದ ದೀಪಕ್ ಗಂಗೂಲಿ, ಮಿಸೆಸ್ ಇಂಡಿಯಾ ಕರ್ನಾಟಕ ಮಂಗಳೂರು ನಿರ್ದೇಶಕರಾದ ಮರ್ಸಿ ವೀಣಾ ಡಿಸೋಜಾ, ವಿವಿಧ ಪೇಜೆಂಟ್‌ಗಳಲ್ಲಿ ವಿಜೇತರಾಗಿದ್ದ ಡಾ.ನಿಶಿತಾ, ಸಬಿತಾ, ಜೂಲಿಯೆಟ್ ಮೊದಲಾದವರು ಉಪಸ್ಥಿತರಿದ್ದರು
.
ಕಿರೀಟ ಪಡೆದುಕೊಂಡ ಮಂಗಳೂರಿಗರ ವಿವರಗಳು :
ಮಿಸ್ ವಿಭಾಗದಲ್ಲಿ ಮಿಸ್ ಇಂಡಿಯಾ ಆಸ್ಟ್ರಲ್ ಇಂಟರ್ನ್ಯಾಷನಲ್ ಮಿಸ್ ಯೂನಿವರ್ಸ್ ಸೆಲೆಸ್ಟಿಯಲ್ ಕಿರೀಟವನ್ನು ಆಶ್ನಾ ಜೆವೆಲ್ ಡಿಸೋಜಾ ಗೆದ್ದುಕೊಂಡರು.
ಮಿಸೆಸ್ ವಿಭಾಗದಲ್ಲಿ ಮಿಸೆಸ್ ಇಂಡಿಯಾ ಅರ್ಥ್ ಇಂಟರ್ನ್ಯಾಷನಲ್ ಕಿರೀಟವನ್ನು ತಶ್ಮಾ ಚೇತನ್ ತಮ್ಮದಾಗಿಸಿಕೊಂಡರು.
ಮಿಸೆಸ್ ಇಲೈಟ್ ಟೂರಿಸಂ ಕ್ವೀನ್ ಪ್ರಶಸ್ತಿಯನ್ನು ಯಶೋಧಾ ರಾಜೇಶ್ ಪಡೆದುಕೊಂಡರು. ಟೀನ್ ವಿಭಾಗದಲ್ಲಿ ಟೀನ್ ಮಿಸ್ ಇಂಡಿಯಾ ಪ್ರಶಸ್ತಿಯನ್ನು ರಕ್ಷಿತಾ ನಾಯರ್ ಪಡೆದುಕೊಂಡರೆ ನಿಯತಿ ಪ್ರಥಮ ರನ್ನರ್ ಅಪ್ ಹಾಗೂ ಸಾನ್ವಿ ಆರ್. ತೃತೀಯ ರನ್ನರ್ ಅಪ್ ಪ್ರಶಸ್ತಿ ತಮ್ಮದಾಗಿಸಿಕೊಂಡರು.
ಜೂನಿಯರ್ ವಿಭಾಗದಲ್ಲಿ ಜೂನಿಯರ್ ಮಿಸ್ ಇಂಡಿಯಾ ಕಿರೀಟವನ್ನು ಸಿಂಚನಾ ಎಲ್. ಪಡೆದುಕೊಂಡಿದ್ದು, ರಾಹಿನಿ ಪಿ.ಪೂಜಾರಿ ಪ್ರಥಮ ರನ್ನರ್ ಅಪ್, ವಿಯಾ ಸಾಯಿ ತೃತೀಯ ರನ್ನರ್ ಅಪ್ ಕಿರೀಟವನ್ನು ಪಡೆದುಕೊಂಡರು.
ಪ್ರಿ ಜೂನಿಯರ್ ವಿಭಾಗದಲ್ಲಿ ಸನ್ವಿತಾ ಡಿಸೋಜಾ ಪ್ರಿ ಜೂನಿಯರ್ ಮಿಸ್ ಇಂಡಿಯಾ ಕಿರೀಟ ಪಡೆದುಕೊಂಡರು. ಲಿಟಲ್ ವಿಭಾಗದಲ್ಲಿ ಚಾರ್ವಿ ಅಶ್ವಿನ್ ಲಿಟಲ್ ಮಿಸ್ ಇಂಡಿಯಾ ಕಿರೀಟ ಪಡೆದುಕೊಂಡರು. ಲಿಟಲ್ ಮಿ.ಇಂಡಿಯಾ ಪ್ರಶಸ್ತಿಯನ್ನು ಆದೀಶ್ ಪಡೆದುಕೊಂಡಿದ್ದು, ಲಹರ್ ರೈ ಪ್ರಥಮ ರನ್ನರ್ ಅಪ್ ಆಗಿ ಹೊರಹೊಮ್ಮಿದರು. ಪ್ರಿ ಜೂನಿಯರ್ ಮಿ.ಇಂಡಿಯಾ ಸ್ಪರ್ಧೆಯಲ್ಲಿ ಶೌರ್ಯ ರಾವ್ ಪ್ರಥಮ ರನ್ನರ್ ಅಪ್ ಪ್ರಶಸ್ತಿ ಪಡೆದುಕೊಂಡಿದ್ದರು.